iSammi

Maxfiylik siyosati

iSammi ilovasi qanday ma'lumot to'playdi, nima uchun ishlatadi va kimga beradi.

Kuchga kirgan sana: 2026-yil 19-noyabr

Reklama yo'q

Ilovada reklama, kuzatuv (tracking) va tashqi analitika yo'q.

Sotilmaydi

Ma'lumotlaringiz hech kimga sotilmaydi va reklama uchun berilmaydi.

Faqat ish uchun

Ma'lumot faqat do'kon hisobini yuritish va sizni tizimga kiritish uchun ishlatiladi.

1. Bu siyosat nimaga tegishli

Bu siyosat iSammi iPhone ilovasiga, isammi.uz saytiga va demo.isammi.uz demo tizimiga tegishli. iSammi — telefon va elektronika do'konlari uchun boshqaruv tizimi (CRM). Ilovaning hozirgi versiyasi demo serverga ulangan: undagi do'konlar, mijozlar va summalar o'ylab topilgan.

2. Qanday ma'lumot to'planadi

  • Hisob ma'lumotlari. Kirishda kiritilgan telefon raqami, ism va rol (admin, assistent yoki ishchi).
  • Ish ma'lumotlari. Tizimda yaratgan yoki o'zgartirgan yozuvlaringiz: sotuv, sklad, kassa, qarz va zakaz yozuvlari, yuklangan invoys rasmlari, hamda kim qanday amal bajargani (amallar tarixi).
  • AI suhbatlari. AI yordamchiga bergan savollaringiz va uning javoblari.
  • Qurilma ma'lumotlari. Kirish sessiyasi; bildirishnomaga ruxsat bersangiz — bildirishnoma (push) tokeni va platforma (iOS).
  • Kirish urinishlari. Telefon raqami va IP manzil — kod so'rashlarni cheklash va suiiste'moldan himoya uchun.

3. Kamera

Kamera faqat IMEI, seriya raqami va shtrix-kodlarni o'qish uchun ishlatiladi. Tasvir telefonning o'zida qayta ishlanadi: serverga faqat o'qilgan kod (matn) yuboriladi, rasm olinmaydi va saqlanmaydi.

4. Nima to'planmaydi

Joylashuv, kontaktlar, rasmlar galereyasi, mikrofon va reklama identifikatori (IDFA) olinmaydi. Ilova boshqa ilovalar yoki saytlardagi faoliyatingizni kuzatmaydi.

5. Ma'lumot nima uchun ishlatiladi

  • Sizni tizimga kiritish va hisobingizni himoya qilish;
  • Do'konning savdo, sklad, kassa va qarz hisobini yuritish;
  • Bildirishnoma yuborish (ruxsat bergan bo'lsangiz);
  • AI yordamchining savollaringizga do'kon ma'lumotlari asosida javob berishi.

6. Kimlarga beriladi

Ma'lumotlar iSammi serverida saqlanadi va faqat tizim ishlashi uchun zarur xizmatlar orqali o'tadi:

  • Cloudflare — xavfsiz ulanish va yuklangan fayllar ombori;
  • Expo va Apple — bildirishnomalarni telefoningizga yetkazish;
  • Anthropic (Claude) — AI yordamchi va invoys rasmlarini o'qish: savolingiz va javob uchun kerakli ma'lumotlarni qayta ishlaydi.

Qonun talab qilgan holatlardan tashqari, ma'lumotlar boshqa hech kimga berilmaydi.

7. Qancha saqlanadi

  • Bir marta kirish 60 kun amal qiladi, keyin sessiya o'chadi.
  • Kirish urinishlari bir kundan keyin o'chiriladi.
  • AI suhbatlarini ilovaning o'zida istalgan vaqt o'chirishingiz mumkin.
  • Demo tizimdagi ma'lumotlar vaqti-vaqti bilan tozalanib, boshlang'ich holatiga qaytariladi.

8. Xavfsizlik

Ilova va server orasidagi ulanish shifrlangan (HTTPS). Parol yo'q: kirish bir martalik kod bilan. Kirish kaliti telefonning xavfsiz omborida (Keychain) saqlanadi, serverda esa faqat uning xeshi turadi. Hisob bloklansa yoki o'chirilsa, barcha kirishlar shu zahoti tugaydi.

9. Sizning huquqlaringiz

Siz haqingizdagi ma'lumotni ko'rish, tuzatish yoki hisobingizni o'chirishni so'rashingiz mumkin. Buning uchun samarbadriddinov08@gmail.com manziliga yozing.

10. Bolalar

Ilova ish vositasi va bolalar uchun mo'ljallanmagan.

11. O'zgarishlar

Siyosat o'zgarsa, shu sahifada yangi matn va yangi sana e'lon qilinadi.

12. Bog'lanish

Savollar bo'yicha: samarbadriddinov08@gmail.com.

In English

iSammi is a store management system (CRM) with an iPhone app for phone and electronics shops. This policy covers the iPhone app, isammi.uz and the demo at demo.isammi.uz. The current app connects to a demo server with sample data.

We collect: the phone number, name and role used to sign in; work records you create or change (sales, stock, cash, debts, supplier orders, uploaded invoice images, an activity log); AI assistant questions and answers; the push token if you allow notifications; sign-in attempts (phone number and IP address, kept one day, for rate limiting).

Camera is used only to read IMEI, serial numbers and barcodes. Frames are processed on the device; only the decoded text is sent, no images are taken or stored.

We do not collect location, contacts, photos, microphone or the advertising identifier. There are no ads, no tracking and no third-party analytics. Data is never sold.

Service providers: Cloudflare (network and file storage), Expo and Apple (push notifications), Anthropic (processes AI assistant and invoice-reading requests). Data is stored on the iSammi server.

Retention and deletion: a sign-in lasts 60 days; sign-in attempts are deleted after one day; AI chats can be deleted in the app; demo data is reset periodically. To delete your account or ask about your data, email samarbadriddinov08@gmail.com.

Effective date: November 19, 2026.